Tirane- Edukimi profesional është zgjidhja që qeveria jep për mbulimin e tregut me fuqi punëtore, në kushtet e mungesës së stafit, problem i cili është thelluar vit pas viti.
Vetëm në 3 vitet e ardhshme do të shpenzohen 90 milionë euro për Arsimin dhe Aftësimin Profesional jo vetëm për të rinjtë por edhe të rriturit, duke synuar rritje të punësimit, ulje të varfërinë si dhe fuqizim të skemës së sigurimeve shoqërore.
Në dokumentin e Reformave Ekonomike 2024-2026 thuhet se kualifikimi i punonjësve nuk ka ndikim vetëm në tregun e punës, por në të gjithë ekonominë në tërësi.
“Një fuqi punëtore e kualifikuar është një parakusht për tërheqjen e investimeve të bazuara në teknologji, zhvillimin e mëtejshëm të sektorëve me avantazhe krahasuese dhe pika të forta dhe një faktor i rëndësishëm që stimulon flukset hyrëse të IHD-ve”, thuhet në dokument.
Kjo strategji që ka në qendër edukimin dhe aftësimin, vlerësohet si alternativa më produktive për tu siguruar qytetarëve punë pa ndërprerje dhe mbulim të nevojave të tregut me staf të kualifikuar.
Një sërë aktivitetesh janë planifikuar deri në vitin 2026, me qëllim fuqizimin sa më shumë të arsimit profesional, duke zhvilluar panaire, olimpiada, shtim stafi pranë shkollave profesionale apo duke ofruar trajnime të ndryshme.
Në Programin Buxhetor Afatmesëm, janë planifikuar vetëm për këtë strategji 30.1 milionë euro për vitin 2024, për të vijuar me 29.9 milionë euro për vitin 2025 dhe 30 milionë euro për vitin 2026.
Gjithashtu në fushën e arsimit dhe formimit profesional ka shumë projekte të financuara nga donatorë, të cilat kontribuojnë në forcimin dhe reformimin e sistemit. Përmendim fonde nga BE-ja, Gjermania, Zvicra, Italia, Austria etj.
Qeveria në dokument planifikon që papunësia të jetë në rënie në vijim, dhe në vitin 2026 do të zbresë në 9.5%, por nga ana tjetër produktiviteti i përgjithshëm i punës vlerësohet me përmirësim minimal.
Lajme të tjera
-
Arsimi profesional, të ftuarit të ‘Përballje’: Të rinjtë e zgjedhin që të ikin nga Shqipëria, qeveria t’u garantojë punësim e paga dinjitoze
28 Mars, 14:50 -
Rama: Bizneset, me hir apo pa hir, do financojnë arsimin profesional! Na duhen punonjës të kualifikuar me paga dinjitoze
26 Mars, 14:06 -
Rritet interesi për arsimin profesional në Vlorë, 60% e nxënësve punësohen që në bankat e shkollës! Informatika më e preferuara
15 Mars, 15:46
-
Mbi 14 mijë të rinj në arsim profesional, Justiniani programoi sensorin për dyert! 110 biznese partnere me shkollën e mesme në Kamëz
23 Dhjetor 2023, 11:54
-
Mësim dhe punë njëkohësisht! Rritet interesi për zanatet! Vëzhgimi i Report Tv në shkollat e mesme profesionale Fier e Elbasan
26 Nëntor 2023, 15:16
-
Orientimi drejt arsimit profesional, Rama: Më shumë se 4 mijë vende të lira për nxënës që duan t’u bashkohen shkollave për të mësuar profesion
24 Nëntor 2023, 10:34 -
Nxënësit në Elbasan mësojnë sistemet fotovoltaike! Panelet diellore, çelet kursi i parë me 15 teknikë të rinj
1 Tetor 2023, 19:36
-
Maturantët orientim drejt arsimit profesional, Stiveni punon pa mbaruar ende shkollën! ‘Hoteleri Turizmi’ dega me mundësi punësimi
28 Shtator 2023, 17:43
-
Arsimi profesional, 57% e të diplomuarve të punësuar vitin e parë pas studimeve
6 Shtator 2023, 07:18 -
Rikonstrukturohet shkolla e Hoteleri-Turizmit në Tiranë, Rama: Do të certifikohet nga shkolla e Lausanne, më e mira në botë për Hotelerinë
30 Gusht 2023, 13:22 -
Raporti vjetor i Autoritetit të Konkurrencës, Biba tek Ekonomia: Duhen dënime penale, gjobat i ‘faturohen’ konsumatorit! Ngritja e bordit të hidrokarbureve pamundësoi hetimin
29 Maj 2023, 10:52
-
Tregu i sigurimeve u rrit me 19% për dy muajt e parë të vitit
30 Mars 2023, 07:10
